|
|
| Das Vereinsleben |
Beitrag Kennung: 53680
|
|
|
|
|
Do gibt's Leit, sog i enk, de san gwiß net zum daneidn,
de hockan jedn Obnd bei an andern Verein.
Ob's jetzt Schiaßn oder Kegln, gscheit daherredn auf d Nacht,
ob's Musispuin, Tanzn, ob's Plattln, daß's kracht,
ob's Schofkopfa, Wattn, über Kunst diskutiern,
ob's singa wia a Vogerl, obs Politisiern,
des is ganz wurscht, as Beinandhocka zählt,
ohne Zünftigkeit, waars doch faad auf da Welt.
Ja, san s aa grod passiv bei so ana Blosn dabei,
an Grund zum Sauffa, findn s oiwei.
Und außerdem, is a Verein doch ganz gwiß,
a guats Beispui, daß da Mensch a Herdntier is!
Gedicht von Wolfgang Kappes
|
|
|
|
|
|
|
|
